ابوذيات عراقيه كلش حلوووه

نثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية

على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه

قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية

باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية

هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه

حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية

الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه

انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه

عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه

يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه

تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه

همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية

بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية
لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه
سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه

وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه
وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه

عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه

تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه
روحي من الهجر عجزت ولابت
حلفت بدار ماأنزل ولا بيت
ذكرك مابقى ب***ي ولا بد
انكطعت من كطعت الوصل بية
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.

وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه

الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه

احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية

غرامك حط لي عله و سل سلاني.......و اخــــير الناس قلبك سلسلاني
اريد اجوي بسلاسل سلــــسل آني......لا قاتلني و لا هو يعــوف إيديه
لحـد المـــوت منــك واصــل آني........و عفتني والف شامت واصلاني
قطع صرت بجفاك و وصل آنـي.......دلمهم خـــــــــــاف تتـــندم عليه
عليــــك اللــــيل كــــله آنا و آنه.........و معاك العتب الحين حان آوانه
اتــــهــدد بالنــــفــاهـــا آنا و آنا........ وينك مو طبـــق دهـــري عليه ّ
ابتلت روحي و لا يخلص بلاها........ و بمحــــبتك ينتــهي قلبي بلاها
بعـــذابك يا حـــلو ربـــك بلاها..........و تضل تنوح كل صبح و مسيه
تغـــيب الروح بغيابك و اردها..........و كتاب الشوق يا مدلل وردها
وروحي بفرقـــتك يذبل وردها...........ماي انت وترد الـــــروح إليه

الدمع بحركه على الوجنات ســــــــال
وحبيبي نساني ولا عني ســـــــــال
لا جاني منه خبر لا جاني مرســـــال
وأنا وناتي شجيـــــــــــــه
حبيبي ديارنه لو جيت مرّها
ونفسك عالوفا والطيب مرها
كضيت عشرتك بحلوها ومرها
يا بطل إعمرها بإيدك وإيدي سويه..

يكاس العمر ماظــلت وشل بيك
ويجرحي لشوكت تنزف وشل بيك
تكلي ليش متمرمـــر وشل بيك
تهت منهو اليـــــدليني عليه

ما عاش منهو لخلانه كل يوم لام
ولا مات منهو لجروحه كل يوم لام
عيونك من أسبكها بحرف اللام
تعرفين إنتي شكد غاليه عليه

أيا يوم شكد إشتقتلج أيا يوم
من يوم العفتيني ما نمت ولا يوم
خطّت دموعي وانحنه راسي من أيوم
فاركتني أمي بالله مو سوده عليه
عسل أنت وزعلك ترى مـــــر
ولوشايل بقلبك علينا سلم من تمر
هذا النخل نشمر عليه حجار ينطينا تمر
حبيبي صير مثله وحـــــــن عليه

يا من يصبرني عله بعدك
وتدري ماكو كبلك ولا بعدك
وكت الفرقا مو طويل بعدك
هالكد أستحق آني منك أسيّه؟

لو همومج يادنيا كلهن على قليبي وطن
لوعشت محروم المنام مابــين زنٍ وطنّ
لاماتخلى عن ذرة من تــراب الوطـــــن
الوطن أمي وأمي حقها واجب عليــــه
وليفي اليوم ما ينحزر رايه
خجول وبي خصال الطيب رايه
أنا لـ أجله تركت ناسي ورايه
وهو بالصد دوم يرد عليه

دموعي على الوجنات تصب خلها
وخل تعمى العيون لفاركت خلها
يا دكتور لاتوصف دوا ابدا مخلها
شلي با النظر لو ما رد الـــيه
فديت ياناس انا العراق واهله
ناس تحبهم غصب من اول وهله
متى يازمن أرتوي من أهله ونهله؟
ولهااان وودي لكن وش يطلع بايديّه!!
الصراحه انتوا رفقتكم وناسه
واليعرفكم يعوف اهله وناسه
يزول الهم والغربه يتناسه
سبع تنعام من أهل السعوديه
فديت ياناس انا العراق واهله
ناس تحبهم غصب من اول وهله
متى يازمن أرتوي من أهله ونهله؟
ولهااان وودي لكن وش يطلع بايديّه!!

مره أسكت عنكم مره سايل
مره الدمع ناشف مره سايل
مره احتار شكتب من رسايل
مره انـــــطر رسايلكـم اليه

البارحه اني أنتظر على الوعد
وتمر الساعات وانا أحسب واعد
وتمنيت الوقت لساعه3 يـعِد (يعود)
لان جنا نسولف سويــه
للفلوجة سلام بالمسك والورد وأنفاس روحي
للناس البَنَت للجهاد أجمل وأعلى الصروحي
لاجلهم أرخص النفس وأقول ياروح روحي
فدوة ترابها وسماها واهلها الغالين عليه

لا تشتكي بوالورد وأنت صاحــبه
يذكرك با الخير ويكول والنعم من صاحبه
ولو نطق با الزين أنت اول من صاح به
عسى الله با الجنه يجمعكم سويه

وين الردووووووووووووووووووووووووووووووووووووووووووود الحلوه

تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

الف شكر عيوني يسلموو والله روووووعه ويسلم هالذوق الي يجنن

نونه الحلوه كتب:

تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

الف شكر عيوني يسلموو والله روووووعه ويسلم هالذوق الي يجنن

مشكوووووووره نونه ع المروووور بس يبقى ذوقك الاحلى