ابوذيات عراقيه المجموعه الثانيه

لجل عينك جروحي ما تهمني
وصدك من كال أحبك ما تهمني
أحبك منهو كلك ما تهمني
ومن أشوفك تشب نيران بيه

**** **** ****

هاك الكلب بيدك حيل طحنه
أمس فوك النجوم واليوم طحنه
شبدينه وبالعشك ياناس طحنه
غشمه وكلوبنا تحب الأذيه



year عالهجر مكدر ولا week
ولا اكدر يالمدلل الاويك
قوي انته يا كاتلني وانا weak
why اليوم تتسبع عليه



ياحلوى الزعل طول صاحبينة
وبهجرج عضم ماضل صاحبينة
جنة برضة وجانت صحة بينة
زعلتي وزعلت الصحة علينة


مو عشرة تراهة وياك طلعت
ومن كثر الجروح الروح طلعت
شفت مرة شمس بليل طلعت
اكل للناس ميصدكون بية



ذبل هرش الكلب لاجلك وخاوه
وطمع ما ردت منك وخاوه
الفخر مو للذي عاشر وخاوه
الفخر للطيب اليذكر خوييه


من تعده
يذكرنه بس بالطيب من تعده ... أجالنه
وياصاح يتعبك كرمنه من تعده ... من تحسبه
أحنه الماعادينه من تعده ... عبر حده
عراقيين أحنه بروح بصريه


مره شفتك
أذب الگال عني مره شفتك ... النظر
ومنهو الگال عنك مره شفتك ... شفايفك مره
العسل بشفافك ضگت مرشفتك ... ضگتك
عسل صافي ميه بالميه


وإنته صفي
بعينك دقيس الناس وإنته صفي ... صفيهم
تلگه حُبك بگلبي وانتصفي ... بنصه صار
أتمنه بالعشكَ طالب وإنته صفي ... الصف
وأداوم بيك صبحي ومسائيه


وأنتعشبي
أرد أضوگن ندى شفتك وانتعشبي ... ألأنتعاش
وسويلك بالگلب مسكن وانتعشبي ... أسكن بي
بستاني سواني الهوى وانتعشبي ... العشب
وسلمني المنجل بين أديه

وين الردوووووووووووووووووووووووووود

الف شكر عيوني عاشت الايادي يسلموووووو
مره شفتك
أذب الگال عني مره شفتك ... النظر
ومنهو الگال عنك مره شفتك ... شفايفك مره
العسل بشفافك ضگت مرشفتك ... ضگتك
عسل صافي ميه بالميه