شبكتك ...
أنا الصياد صادتني شبكتك.
حالم بيك جن بستك شبكتك
أدك عليك ! مشغولة شبكتك
أظن مغلق جهازك بس عليه!!!
منعلمنه ..
تعلمنه ونشدنه من علمنه
وصفينه حجار ونشد من علمنه
نشيل الله واكبر من علمنه
ونحط الله كريم وهاي هيه
عنك انشغل هيهات والهه
وروحي الشوفتك يعزيز ولهه
الها اعظم اثر بالروح والهه
مهابة وشوفتك عندي هدية
اشتعل كًلبي بلهيب الشوكً و اجفه
على اللي زعل مني و راح و اجفه
إلي وياه يـوم الحشـر وجفــه
طويلة و النظر مرخوص اليه
**** **** ****
عسل وبحلگي وكتي مر جعلكم
ومرجعكم الگلبي ومرجـعلكم
چنت أية بهواكم مرجـعلكـم
خذيتو منين فتوه وخنتو بيه
دليلي شما يون تدري وناليك
احصلك ياوكت كلي وناليك
قدر مكتوب الي انته وناليك
مثل قيس بزمان الجاهليه
**** **** ****
صوتي بكثر ماابجي بحيلاي
وكل اسرار البكلبي بحيلاي
اشيل اجروحي وهمومي بحيلاي
اخاف من العواذل يشمتون بيه
موضوع: ابوذيات عراقيه المجموعه الاولى 
الأربعاء يناير 16, 2008 2:05 pm
