الوطن
اني من بغداد اصلي وجدي اصله الناصريه
يفتخر كونه عراقي وبي اعلى مرجعيه
الحمد لله مات جدي وما شاف هاي المسرحيه
وما شاف طبه الاحتلال واحزاب تدعو المذهبيه
يا جدي باوع وين صرنه احنه ماشين الهبيه
نكتل الاسمه علي الفاتح باب الخيريه
ونكتل الاسمه عمر الطفه نار الفارسيه
چنه بساعه الشده ننتخي كلنه سويه
وچنه بساعه الشده نتكرم بأحلا هديه
هسه صرنه هذا يرحل وذاك يذبحنه سويه
****
كافي من هذي المهادم كافي تدمير البلاد
احنه احباب ونسابه يجمعنا الحب والوداد
چان كل كردي يموت بينا البصراوي يعلن الحداد
بحرب ايران انتخينا كلنه واعلنة الجهاد
چان لو جانه شهيد نسوانه تلبس سواد
چنه ما نعرف المذهب كلنه اهل الله عباد
لمن اجانه الاجنبي السنين المرت شداد
سوانه مثل اولاد ادم تشيع بأرض الله الفساد
هسه صرنه هذا صدري وذاك بدري وهذا توحيد وجهاد
*****
انا لست بشاعر وانما كلمات خرجت من قلبي ولا اعرف هذه الكلمات التي كتبتها مذا تسمى ( قصيده او نثر ... ) ...
اخوكم العاقل
موضوع: قصيده على الوطن بقلمي ولأول مره في التاريخ 
الثلاثاء يناير 01, 2008 7:33 pm
