قصيدة تقهر فراق حبيين بسبب الطائفية

صدك تقبل حبيبي لغيري هسة تصير؟؟
وصدك مليت مني وبعد متحبني؟؟
وصدك هانت عليك اسنينه الحلوات
وما هانت عليك شلون تتركني؟؟
من يمته المذاهب نحسبلها حساب؟؟
ومن يمته الطوائف جانت تهمني؟؟
أنه لمن عشكتك ما سألت الناس
ولا جنت ادري اصلك شيعي لو سني
شجاك تغيرت وبكلبك انته شصار؟؟
جنت تموت بية وجنت تعبدني
وجنت اتنفسك وانته الهوه بدنياي
وجنت لو تبتعد لحظات .. تخنكني
معقولة الورد ينكر جميل الماي؟؟
وانته بهالسهولة تنازلت عني؟؟
ما أنكر مقصر إجت فترة وياك
لكن مو بدية الوكت يجبرني
شفت يمك نفط وابين اديك الماي
وأنه بناري اشتعل ردتك تخلصني
لكيتك بالعكس مايَك شمرته ابعيد
وجبت النفط بيدك حته تحركني
شسولفلك بعد؟ طعم السوالف راح
ردت منك توافي وخيبت ظني
أدري الوكت هو الخله كلبك هيج
وادري الطائفية الباكتك مني
وقبل لا تبتعد عندي سؤال ارجوك
فكر وية روحك عود جاوبني :
باجر لو متت وتشوفني بتابوت
هم تبجي علية وبعد تذكرني؟؟؟؟؟

وبالنهاية ارجو ان تكون القصيدة عجبتكم

الله عاشت ايدك ياغالي
وعاشت الانامل التي خطت هذه الحرف الذهبيه والرائعه
تحيااااااااااااااا نور ابن الفرات ااااتي

الله الله
تسلم حبيبي صوفي على القصيده الراقيه
عاشت ايدك

تسلم حبي على القصيدة الحلوة مثلك

مشكور على الكلمات الروعة

فكر وية روحك عود جاوبني :
باجر لو متت وتشوفني بتابوت
هم تبجي علية وبعد تذكرني؟؟؟؟؟
اشكرك ع الكلمات الحلوة وراح اكلك شغله هذه الحاله مرت وشفتها كثير وحاليآ داتكثر وخصوصآ ان كان الفرق بين شيعي وسني لكن للاسف مااتمنى يصير هذا الشي ويستمر وياربي يتوقف

اكيد ابجي عليك ...... شلون تريدني انساك ... اكيد انا انام بحظن غيرج . بس كلبي وياج.... موبيدي والله اعوفج هذا حكم القدر.... ماجنت احلم بيوم اعوفج واتركج ......؟... وتسئليني اذا متي ابجي عليج لاوالله ...... اموت وياج لان اعرف الي يحب يحب ويرضى بكل شي
صدكيني وضعنا خلاني اتندم ....... صديكيني حياتي من دونج بلامعنى ... اهلج رفضوني واهلي رفضوج ...... وكله سبب طائفيه انتشرت بينا ...... حسبنا لكلشي يفرقنا بس مولهذاا السبب

مشكووورين على المرور
وشكر خاص لنونه الحلوة على الكلمات الرائعه

مشكور اخ ِع الكلمات الجميله و الرائعه تقبل مروري تحياتي

يسلموا نورتي بمرورك
وعاشت ايدك على الرد الحلو